АДМИН
2023 оны 8 дугаар сарын 2-ны өдрийн 12:00 цагаас эхлэн орсон хүчтэй аадар борооны улмаас Нийслэлийн Налайх дүүргийн 6 дугаар хорооны нутаг дэвсгэр болох Туулын гүүр, “Боса” дэлгүүрийн орчимд үер бууж авто зам хайрга чулуугаар дарагдаж, зорчих хөдөлгөөн бүрэн хаагдсан билээ.
Үүнтэй холбогдуулан Зэвсэгт хүчний 014 дүгээр ангиас 7 цэргийн алба хаагч, 5 нэгж техниктэйгээр үер буусан газар оронд замын эвдрэл гэмтлийг сэргээн босгохоор 126 машин хайрга дайрга тээвэрлэж, 2526 куб метр хайргыг замын эвдрэлтэй хэсгүүдэд тараан нөхөн сэргээх ажлыг хийж гүйцэтгэн иргэдийн аюулгүй зорчих нөхцөлийг бүрдүүлж ажиллалаа.
Мөн Улаанбаатар хотын Баянзүрх дүүргийн 21, 27 дугаар хороодод үүсээд буй үерийн гамшгийн голомтод тус ангийн офицер, ахлагч нар үүрэг гүйцэтгэж байна.
|
Нийгэм
