АДМИН
Говьсүмбэр аймгийн Шивээговь сумын Бэхт багийн “Хаялага" нуур гэдэг газар /аймгийн төвөөс зүүн хойд зүгт 30 км-т, сумын төвөөс хойд зүгт 22 км-т/ “Хаялага” нуурын усанд хийлдэг гудас дээр байсан 2 хүн салхинд туугдан нуурын гүн рүү хөвсөн тухай дуудлагыг 8 сарын 30-ны өдрийн 16:00 цагт хүлээн авсан.
Тус аймгийн Онцгой байдлын газрын Эрэн хайх, аврах бүлгийн алба хаагчид 22 км замыг туулан 16:18 цагт очиход Говьсүмбэр аймгийн Сүмбэр сумын харьяат, 1 гэр бүлийн 3 хүн “Хаялага” нуурын эрэг дээр амарч байснаас Э /37 настай эрэгтэй/, охин А/5 настай, эмэгтэй/ нар нуурын эрэг дагуу усанд хийлдэг гудас дээр сууж байгаад салхинд туугдан нуурын дунд хэсэг /эргээс 300 метр/-т хөвж очсон байсныг 20 минут ажиллан аварчээ.
|
Нийгэм
