АДМИН
Цагдаагийн байгууллагаас их, дээд болон коллеж, ерөнхий боловсролын сургууль, цэцэрлэгийн 2023-2024 оны хичээлийн шинэ жил эхэлсэнтэй холбогдуулан хүүхдийг гэмт хэрэг, зөрчил, зам тээврийн осол хэргээс урьдчилан сэргийлэх зорилгоор “Хичээл эхэллээ” арга хэмжээг энэ оны 08 дугаар сарын 25-ны өдрөөс эхлэн зохион байгуулж байгаа юм.
Энэ үеэр Тээврийн цагдаагийн алба, Цагдаагийн ерөнхий газрын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсээс ерөнхий боловсролын сургуулиудтай хамтран “Хүүхдийн эрх гэж юу вэ?”, Сургуулийн орчин дахь зам тээврийн ослоос урьдчилан сэргийлэх нь” зэрэг сэдвийн хүрээнд сурагчдад мэдээлэл хийлээ.
Эцэг, эх, багш, сурган хүмүүжүүлэгч та бүхэн сургууль орчны аюулгүй байдлыг хангах, “Хүүхэд хамгаалагч”, “School police”, Хамтарсан багийн үйл ажиллагааг хүүхдэд ээлтэй, хүүхэд төвтэй хэрэгжүүлж, хүүхдийг аливаа эрсдэлээс урьдчилан сэргийлж хамтран ажиллахыг Цагдаагийн байгууллагаас уриалж байна.
|
Нийгэм
