АДМИН
Дэлхийн ур чадварын 47 дахь тэмцээнд гагнуур мэргэжлийн төрлөөр оролцох ШУТИС-ийн харьяа Өмнөговь аймаг дахь политехник коллежийн суралцагч Б.Чухал, эксперт багш Ц.Хашмөрөн нар 2024 оны 05 дугаар сарын 26-наас 06 дугаар сарын 08-ны өдрүүдэд БНСУ-ын Поханг хотын Поханг политехник коллежид хамтарсан бэлтгэл хийж байна.
Солонгосын эксперт, зөвлөхүүдээс гадна Индонезийн баг туршлага судлахаар хамтарсан бэлтгэлд оролцож байна.
Бэлтгэлийн явцад дараах 4 модулийн хүрээнд ажилбар гүйцэтгэж байна. Үүнд:
1-р модульд шугам хоолой гагнах, 10 мм, 16 мм-ийн зузаантай хавтан төмөр гагнах, 12 мм-ийн зузаантай хавтанг булангийн холболтоор гагнах
2-р модульд даралтат сав гагнаж 60 bar даралттай усаар туршиж шалгах
3-р модулийн хүрээнд хөнгөн цагаан бүтээцийг гагнах
4-р модульд ган бүтээцийг гагнах зэрэг даалгавруудыг гүйцэтгэх бэлтгэл сургалтад оролцож байна.
|
Нийгэм
