АДМИН
Аймаг, цэргийн начин цолтой 256 бөхийн барилдаанд Архангай аймгийн Хотонт сумын харьяат, "Хилчин" спорт хороо, Хатант интернэшнл ХХК, Нью ариг ус ХХК, "Бөхбилэгт" дэвжээний бөх, жүдо бөхийн шигшээ багийн тамирчин, аймгийн начин Батхуягийн Гончигсүрэн түрүүлж, Увс аймгийн Өмнөговь сумын харьяат, "Сүлд" спорт хороо, Намир Трейд ХХК, Равжих Арилдий ХХК, "Увс Нуур" дэвжээний бөх, аймгийн өсөх начин Болоогийн Алтангэрэл үзүүрлэв.
Дөрөвт Завхан аймгийн Тосонцэнгэл сумын харьяат, "Хилчин" спорт хороо, "Таван хур" ХХК, "Завхан Даян" дэвжээний бөх, аймгийн начин Г.Баярбат, Завхан аймгийн Цэцэн-Уул сумын харьяат, Дотоодын цэргийн байгууллага, "Шонхор" дээд сургууль, "Завхан Даян" дэвжээний бөх, аймгийн начин Б.Бямбадорж нар шалгарлаа.
Наймд аймгийн начин М.Өгөөдэй, аймгийн начин О.Бат-Эрдэнэ, аймгийн начин З.Мөнхтулга, аймгийн начин А.Ширнэндагва нар үлдэв.
Маргааш буюу тавдугаар сарын 18-ны өдрийн 11.00 цагаас Дорнод аймгийн Баян-Уул сумын ЕБС-ийн түүхт 100 жилийн ойд зориулсан Аймаг, цэргийн цолтой болон залуу 256 бөхийн барилдаан Монгол бөхийн өргөөнд болно.
МОНГОЛЫН ҮНДЭСНИЙ БӨХИЙН ХОЛБОО
|
Нийгэм
