АДМИН
Ганга нуурыг ширгэлтээс хамгаалах, урсцыг сайжруулах ажил үргэлжилж байна.
Уг ажлын хүрээнд Галба-Өөш-Долоодын говийн сав газрын захиргаанаас явцын хяналтыг 2024 онд 1 удаа, 2025 оны 5 дугаар сарын 28-ны өдөр хоёр дахь удаа хийж, цаашид хэрэгжүүлэх ажилд мэргэжлийн зөвлөмж өглөө.
Дарьганга сумын нутагт байрлах “Ганга нуур”-ын бохирдолт, ширгэлтээс хамгаалах, урсцыг сайжруулах төслийн “БАГЦ-3” буюу хүрээлэн буй орчныг нөхөн сэргээх, ойн төгөл байгуулах ажлыг “УБТ гарден” ХХК нь гүйцэтгэж байна.
2024 онд нийт 7200 мод ( хайлаас, бургас, жимсний мод) тарьсан. 2025 онд нийт 12,000 мод тарихаар төлөвлөснөөс одоогийн байдлаар 2000 гаруй мод тарьжээ.
Мөн “Талын худаг”-аас ус зөөж мод усалж байгаа ба тун удахгүй дуслын усалгааны системийг байрлуулах, нуур орчмын тохижилтын ажил эхлүүлэхээр төлөвлөжээ.
|
Нийгэм
