АДМИН
Хичээлийн шинэ жил эхлэх гэж байгаатай холбогдуулан томоохон зах, худалдааны төвийн ойр орчимд иргэдийн бөөгнөрөл үүсэж, үүнтэй зэрэгцэн "Халааснаасаа эд зүйлээ алдсан" гэх дуудлага мэдээлэл эрс нэмэгдэж байгааг цагдаагийн байгууллагаас мэдээлэв.
Хулгайлах гэмт хэргийн дийлэнх нь нийслэл хотын нутаг дэвсгэрт үйлдэгдэж байгаа бөгөөд иргэд гудамж талбай олон нийтийн газар, сургуулийн орчин, автобусны буудал орчимд явж байхдаа халаасны хулгайд эд зүйлээ алддаг.
Халаасны хулгайн гэмт хэрэгт хэн ч өртөх эрсдэлтэй, хаана ч үйлдэгдэх магадлалтай учир иргэн та гар утас, түрийвч зэрэг эд зүйлсээ хувцасны өврийн хэсэгт хийж, зах худалдааны төв, гудамж талбай, явган хүний гарц зэрэг олон нийтийн газраар зорчихдоо сонор сэрэмжтэй байхыг анхааруулж байна.
|
Нийгэм
