Хүүдэд, гэр бүл, хөгжил, хамгааллын ерөнхий газрын дарга Б.Баярсайхан: Монгол Улсын хүн амын тоо 3.5 саяд хүрсэн. 0-18 насны 1260700 хүүхэдтэй. 997 мянган өрх айл Монгол Улсын хэмжээнд байна. Монгол Улсын 30-40 хувийг хүүхэд эзэл байна. Хүүхдийн эсрэг үйлдэгдэж байгаа хүчирхийллийн гэмт хэрэг гэр бүлд байна гэдгийг өнөөдөр хэлэхийг хүсэж байна. Өнгөрсөн жил хүүхдийн эсрэг үйлдэгдсэн гэмт хэргийн 70.1 хувийг гэр бүлийн орчинд үйлдэгдсэн. 108 утсанд жилдээ 103 мянган дуудлага мэдээлэл ирж байгаагаас бид 30 хувь гаруйд нь хэрэг нээгээд, шалгалтын ажиллагаа хийж байна. Гэртээ гэмтэж бэртэж, хүчирхийлүүлж, амь насаа алдаж байгаа хүүхдийн тоо 35 мянгад хүрсэн. Төрөх насны эмэгтэйчүүдийн 3.5 хувийг насанд хүрээгүй охид эзэлж байна. 2024 онд 12-17 насны охид 560 үр хөндөлт хийлгэсэн. 12-17 насны бэлгийн хүчирхийлэлд өртсөн 371 охин бий. НҮБ, НҮБ-ын хүүхдийн сангаас авсан хамгийн сүүлийн судалгаагаар гурван хүүхэд тутмын нэг нь сүүлийн нэг сар юу хийснийг эцэг эхчүүд мэдэхгүй гэж хариулсан. Хоёр хүүхэд тутмын нэг нь өөрийнх нь асуудалд эцэг эхчүүд огт санаа зовдоггүй, асуудаггүй, бидэнтэй харилцдаггүй, ярилцдаггүй, ойлгодоггүй гэж хариулсан. 12-17 насны таван хүүхэд тутмын хоёр нь амиа хорлох талаар бодож үзсэн. Арван хүүхэд тутмын нэг нь оролдож үзсэн гэдэг судалгаа гарсан. Дөрвөн хүүхэд тутмын нэг нь сүүлийн нэг сард электрон тамхи татсан. Үүнийг эцэг эх минь мэдээгүй гэж хариулсан. Мөн долоон хүүхэд тутмын нэг нь нэг ба түүнээс дээш удаа согтож үзсэн. Эцэг эх нь мэдээгүй гэх хариултыг өгсөн байна. Жилдээ Монгол Улсад 17800 гэр бүл батлуулж байгаа боловч 4800 гэр цуцлуулж байна. Гэр бүл цуцлалтын улмаас жилдээ 10 мянган хүүхэд өнчирч байна.