АДМИН
Манай улс эмэгтэйчүүдийн оролцоог дэмжсэн гадаад бодлогыг идэвхтэй хэрэгжүүлэх ажлын хүрээнд:
- 2022 онд “Эмэгтэй энхийг сахиулагчдын олон улсын анхдугаар хурал”
- 2023 онд “Гадаад хэргийн эмэгтэй сайд нарын уулзалт”
- 2024 онд “Дэлхийн эмэгтэйчүүдийн чуулга уулзалт”-ыг зохион байгуулж байсан бол 2025 онд “Дэлхийн бизнес эрхлэгч эмэгтэйчүүдийн чуулга уулзалт”-ыг зохион байгууллаа. Ингэхдээ дотоодын болон ОУ-ын бизнес эрхлэгч эмэгтэйчүүдийн бараа бүтээгдэхүүн, үйлдвэрлэлийн үзэсгэлэн худалдааг Д.Сүхбаатарын талбайд 2 өдрийн турш танилцууллаа.
”Бэрс Финас” банк бус санхүүгийн байгууллагын хувьд жижиг, дунд үйлдвэрлэл эрхлэгчид, болон эмэгтэй бизнесүүдэд санхүүгийн хүртээмжтэй үйлчилгээг хүргэхийг зорин тус үзэсгэлэнгийн үеэр тусгай нөхцөлтэй уг зээлийн бүтээгдэхүүнээрээ үйлчлэн ажиллалаа. Тус үзэсгэлэнд оролцогсдын 90 хувь нь өөрсдийн ялгаралыг бий болгож, эмэгтэйчүүдийн дуу хоолой, оролцоог тэгш байлгахад хувь нэмрээ оруулж буй бизнесээ амжилттай эхлүүлэн тогтвортой эрхэлж яваа эмэгтэйчүүд байсан юм.
“Бэрс Финанс” ББСБ-ын Гүйцэтгэх захирал Г.Юмсүрэн:
“Орон нутаг болон УБ хотод байрлах 20 салбараараа дамжуулан эмэгтэй бизнес эрхлэгчид, жижиг, дунд үйлдвэрлэл эрхлэгч нартаа энэхүү тусгай нөхцөлт зээлийн бүтээгдэхүүнээрээ үйлчилсээр байх болно гэдгийг дуулгахад таатай байна. Улс эх орны хөгжил, эдийн засгийн өсөлтөд өөрсдийн бодитой хувь нэмрийг оруулагч, үндэсний үйлдвэрлэгч нартаа амжилт хүсье. Орон нутагт хамгийн олон салбартай гэсэн онцлогоороо дамжуулан аймаг, хот хамаарахгүй санхүүгийн хүртээмжтэй үйлчилгээг та бүхэндээ хүргэх болно.”
Монгол Улсын Ерөнхийлөгч Ухнаагийн Хүрэлсүхийн ивээл дор зохион байгуулагдсан уг үзэсгэлэнд дотоодын 112 бизнес эрхлэгч, аж ахуй нэг байгууллага оролцсон бол ОХУ, БНСУ, БНАВУ, Туркменистан зэрэг улсаас 20 гаруй аж ахуй нэгж, бизнес эрхлэгчид өөрсдийн үйлдвэрлэл, бараа бүтээгдэхүүний танилцуулан оролцож, манай улстай түншийн харилцаагаа бэхжүүлсэн юм.
|
Нийгэм
