АДМИН
Эрдэнэс Монгол нэгдлийн ТУЗ-ийн даргаар ажиллаж, үйл ажиллагааг нь сайжруулж үр дүнд хүргэсэн ЗГХЭГ-ын Салбарын бодлого зохицуулалтын газрын дарга Ш.Мөнхцэрэнг Эрчим Монголын ТУЗ-ийн даргаар томилсон.
Үүнтэй холбоотойгоор өнөөдөр Монгол Улсын Сайд, Засгийн газрын Xэрэг эрхлэх газрын дарга С.Бямбацогт Эрчис Монголын ТУЗ-ийн гишүүд болон Гүйцэтгэх удирдлагатай уулзаж, богино хугацаанд дорвитой үр дүн гаргах чиглэлээр зарим үүрэг чиглэл өглөө.
Тухайлбал:
- Засгийн газрын хуралдаанаас өгсөн үүрэг даалгавар болох 100 хоногт хийх ажлын төлөвлөгөөний явцын биелэлтийг гаргаж танилцуулах
- Нэгдлийн зохион байгуулалтаар ажиллах харьяа компаниудын асуудлуудыг бүрэн цэгцэлж дуусгах
- Нэгдлийн хэмжээнд борлуулалтын орлогыг нэмэгдүүлж, үйл ажиллагааны зардлыг бууруулах
- Улс, орон нутгийн төсөвт оруулах татварын орлого, гадаад валютын албан нөөцийг нэмэгдүүлэх хүрээнд тодорхой шийдэл гаргаж танилцуулах
- Төрийн өмчит компаниудын үр ашиггүй зардлыг бууруулж, үйл ажиллагааны ил тод байдлыг хангах
- Нэгдлийн хэмжээнд үйл ажиллагааны төлөвлөлт, ашиглалт, хяналтын нэгдсэн удирдлагын тогтолцоог бий болгож, хувийн хэвшлийн сайн туршлагыг нэвтрүүлэх үүрэг өглөө.
|
Нийгэм
