АДМИН
Өнгөрсөн 1 хоногийн буюу 9 дүгээр сарын 17-ны 08 цагаас 9 дүгээр сарын 18-ны 08 цаг хүртлэх цаг агаарын тойм мэдээг хүргэж байна.
Хур тунадас: Өнгөрсөн хоногт Монгол-Алтайн уулархаг нутгаар бороо 0.0-1.2 мм бороо орсон байна. Бусад нутгаар бороо ороогүй.
Агаарын хамгийн их температур: Өчигдөр өдөр ихэнх нутгаар 1-6 градусаар дулаарч Увс нуурын хотгор, Алтай, Хөвсгөлийн уулархаг нутаг, Завхан, Заг-Байдраг голын эх, Идэр, Тэс, Тэрэлж голын хөндийгөөр +7...+13 градус, Их нууруудын хотгор, говийн бүс нутгийн өмнөд хэсэг, Орхон-Сэлэнгийн сав газраар +18…+23 градус, бусад нутгаар +13…+18 градус дулаан байв.
Агаарын хамгийн бага температур: Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэрэлж голын хөндийгөөр -5…-10 градус, Алтай, Хангайн уулархаг нутаг, Туул, Хэрлэн голын хөндийгөөр -5…0 градус хүйтэн, Их нууруудын хотгор, говийн бүс нутгийн өмнөд хэсэг, Дорнод-Дарьгангын тал нутгаар +6...+12 градус, бусад нутгаар 0...+5 градус дулаан хоносон байна.
Салхи: Өнгөрсөн хоногт ихэнх нутгаар секундэд 4-9 метр, говь, талын нутгаар секундэд 12-14 метр хүрч ширүүссэн байна.
Улаанбаатар хот орчмоор: Өнгөрсөн хоногт бороо ороогүй. Салхи баруун хойноос секундэд 3-8 метр. Өчигдөр өдөр +15 градус дулаан, өнгөрсөн шөнө Яармаг-Сонгины орчмоор -3 градус хүйтэн, бусад хэсгээр +2 градус дулаан хоносон байна.
|
Эх сурвалж
| ЦУОШГ
|
Нийгэм
