С.ОТГОНБАЯР
Тулгар төрийн 2234 жилийн ой, Их Монгол улсын 819 жилийн ой, Ардын хувьсгалын 104 жилийн ой, Үндэсний их баяр наадмын хүчит бөхийн барилдаанд таван аваргаар магнайлуулсан 512 хүчтэн бөх барилдсанаас Улсын начин Э.Батмагнай түрүүлж, Аймгийн арслан Н.Өсөхбаяр үзүүрлэсэн. Баяр наадам зохион байгуулах хуульд зааснаар шөвгөрсөн бөхчүүдээс допингийн шинжилгээ авахад аймгийн арслан Н.Өсөхбаяраас хориотой бодис илэрсэн байдаг. Энэ тухай тэрбээр өөрийн цахим хаягаар мэдэгдэл гаргахдаа “Хориотой бодис хэрэглэсэн тухайд маргахгүй, хүлээн зөвшөөрнө. Гадны нөлөө орсон эсэхийг хууль, шүүхийн байгууллагад гомдол гаргаж шалгуулна” гэсэн юм.
Энэ талаар түүнээс тодруулахад “Хуулийн байгууллагад гомдлоо гаргаад шалгуулаад явж байна. Одоогоор ямар нэгэн мэдээлэл өгөх боломжгүй байна” гэлээ.
|
Нийгэм
