АДМИН
Өнгөрсөн 1 хоногийн /2025.09.27-ны 08 цагаас 09.28-ны 08 цаг хүртэлх/ цаг агаарын тойм мэдээг танилцуулж байна.
Хур тунадас: Өнгөрсөн хоногт Завханы Түдэвтэй, Хэнтийн Цэнхэрмандал, Дорноговийн төв болон Өргөн сум, Нийслэлийн Тэрэлж, Багануурт 0.6-2.0 мм бороо орсон байна. Нийслэлийн Тэрэлжид 2.0 мм бороо орсон байна.
Агаарын хамгийн их температур: Говь-Алтайн уулархаг нутаг, Завхан, Заг-Байдраг голын эхээр +9…+14 градус, говийн бүс нутгийн өмнөд хэсэг, Орхон-Сэлэнгийн сав газар, Дорнод-Дарьгангын тал нутгаар +21…+26 градус, бусад нутгаар +19…+24 градус дулаан байв.
Агаарын хамгийн бага температур: Хангай, Хөвсгөлийн уулархаг нутаг, Завхан, Заг-Байдраг голын эх, Идэр, Тэс, Тэрэлж голын хөндийгөөр 0…-6 градус хүйтэн, Их нууруудын хотгор, говийн бүс нутгийн өмнөд хэсгээр +10...+15 градус, бусад нутгаар +3...+8 градус дулаан хоносон байна.
Салхи: Өнгөрсөн хоногт ихэнх нутгаар секундэд 5-10 метр байв.
Улаанбаатар хот орчмоор: Өнгөрсөн хоногт бороо ороогүй. Салхи баруун өмнөөс секундэд 3-8 метр. Өчигдөр өдөр +20 градус, өнгөрсөн шөнө Яармаг-Сонгины орчмоор 0 градус орчим, бусад хэсгээр +6 градус дулаан хоносон байна.
|
Эх сурвалж
| ЦУОШГ
|
Нийгэм
