АДМИН
Өвөрхангай аймгийн хэмжээнд 2025 оны хоёрдугаар ээлжийн цэрэг татлага маргааш буюу 10 дугаар сарын 02-13-ны өдрүүдэд болно. Үүнтэй уялдуулан цэрэг татлага зохион байгуулах холбогдох сумдад аймгийн Засаг даргын 2025 оны А/585 тоот захирамжаар “Согтууруулах ундаа худалдах, түүгээр үйлчлэхийг түр хориглох тухай” шийдвэр гарлаа.
Тухайлбал, Арвайхээр, Бат-Өлзий, Баян-Өндөр, Бүрд, Есөнзүйл, Зүүнбаян-Улаан, Өлзийт, Уянга, Тарагт, Хужирт, Хархорин сумдад цэрэг татлага явуулах урд өдөр оройн 18:00 цагаас, дараа өдрийн 20:00 цаг хүртэл архи, согтууруулах ундаа худалдаалах, түүгээр үйлчлэхийг түр хориглолоо.
|
Эх сурвалж
| Өвөрхангай аймгийн Засаг даргын Тамгын газар
|
Нийгэм
