АДМИН
Сувилахуйн удирдах ажилтнуудын манлайлал, стратегийн удирдлагыг бэхжүүлэх, мэргэжлийн үйл ажиллагааны бодлого, чиг хандлагыг нэгтгэх, туршлага солилцох зорилгоор “Эрүүл мэндийн салбарын хөгжил - Сувилагчдын манлайлал 2025” үндэсний зөвлөгөөнийг зохион байгууллаа.
Зөвлөгөөнөөр, Эмнэлгийн тусламж, үйлчилгээний чиглэлээр баримталж буй бодлого, чиглэл, сувилагчийн ёс зүй, үнэт зүйл, олон улсын сувилахуйн өнөөгийн чиг хандлага зэрэг сэдвийн хүрээнд үндсэн 3, зочин 4 нийт 7 илтгэл хэлэлцүүлэв.
Эрүүл мэндийн салбарын хөгжилд сувилахуйн тусламж үйлчилгээний чанар, хүртээмж, аюулгүй байдлыг хангах нь нэн чухал зорилт юм. Энэхүү зорилтыг хэрэгжүүлэхэд сувилагчдын манлайлал, удирдан чиглүүлэх чадвар, хамтын ажиллагаа, ёс зүй, хариуцлага голлох байр суурь эзэлж байна.
|
Нийгэм
