АДМИН
Цахим орчинд танилцсан эмэгтэйтэй шөнө уулзахаар очих үед нь 4 этгээд бүлэглэн зодож, дээрэмдсэн байна.
Сонгинохайрхан дүүргийн нутаг дэвсгэрт Хамбын овооны хажууд дээрэмдүүлсэн гэх дуудлага мэдээлэл энэ оны 12 дугаар сарын 24-ний өдөр цагдаагийн байгууллагад бүртгэгдсэн.
Тодруулбал: Нэр бүхий иргэн цахимаар танилцсан эмэгтэй хүнтэй шөнийн 02 цагийн орчимд уулзахаар очих үед нь бүлэглэн зодож, iphone 11 про маркийн гар утсыг нь дээрэмдэж зугтаасан хэрэгт Сонгинохайрхан дүүргийн цагдаагийн газрын гуравдугаар хэлтсийн эрүүгийн цагдаагийн тасгаас шуурхай ажиллаж гэмт хэрэг үйлдсэн байж болзошгүй 14-15 насны 4 этгээдийг олж тогтоон холбогдох шалгалтын ажиллагааг үргэлжлүүлж байна.
Иймд цахим орчинд танилцсан үл таних хүнтэй уулзахгүй байхыг цагдаагийн байгууллагаас сэрэмжлүүлж байна. Мөн энэ төрлийн гэмт хэрэг үйлдсэн тохиолдолд Эрүүгийн хуульд заасан ял шийтгэх зохицуулалттай тул гэмт үйлдлээс татгалзахыг анхааруулж байна.
|
Нийгэм
