АДМИН
Монгол Улсын Засгийн газрын 2023 оны 10 дугаар сарын 23-ны өдрийн 391 дүгээр тогтоолоор баталсан “Утга зохиолын шилдэг бүтээл шалгаруулах, улсын санд худалдан авах, хадгалах, ашиглах” журмын дагуу 2025 онд хэвлэгдэн гарсан бүтээлүүдийг 2025 оны арванхоёрдугаар сарын 26-ны өдрөөс 2026 оны нэгдүгээр сарын 13-ны 18.00 цаг хүртэл МЗЭ-ийн 207 тоотод хүлээн авна.
Улсын санд худалдан авах бүтээл нь утга зохиолын дараах төрлөөр бичигдсэн байна. Үүнд:
- яруу найраг;
- хүүрнэл зохиол;
- кино, жүжгийн зохиол;
- хүүхдэд зориулсан уран зохиол;
- утга зохиолын орчуулга;
- уран зохиолын судлал, шинжлэл.
Зохиолчийн сүүлийн 1 жилд буюу 2025 онд шинээр туурвисан бүтээл байна.
Бүтээл нь зохиогчийн эрхийн болон түүнд хамаарах аливаа эрхийн зөрчилгүй байна.
Бүтээлээ ирүүлэхдээ:
- Зохиогчийн товч танилцуулга;
- бүтээлийн товч танилцуулга, бүтээлийн хэвлэмэл болон цахим хувилбар;
- бүтээлийн талаар бичсэн судлаачийн шүүмж, дүгнэлтийг хавсаргана.
|
Нийгэм
