Цагдаагийн байгууллагад 2026 оны нэгдүгээр сарын 4-ний өдрийн 23:00 цагийн орчимд Баянзүрх дүүргийн 27 хорооны нутаг Дунд дарь эх ..... тоотод “манай эхнэр нас барсан байна” гэх мэдээлэл бүртгэгджээ.
Дуудлага мэдээллийн дагуу шалгалтын ажиллагааг явуулахад 30 настай, эмэгтэй М, 4 настай, эмэгтэй А, 3 настай, эмэгтэй А нарын биед мэс ашиглан халдаж, 30 настай М, 4 настай А нарын амь нас хохирсон болох нь урьдчилсан байдлаар тогтоогдоод байна. Дээрх хэрэгт цагдаагийн байгууллагаас ажлын хэсэг байгуулан иргэн 48 настай эрэгтэй Б-г холбогдуулан шалгалтын ажиллагаа явуулж байна талаар ЦЕГ-ын Хэвлэл мэдээллийн төвөөс мэдээлэв.
3 настай эмэгтэй А-н биеийн байдал хүндэвтэр эмнэлгийн байгууллагын хяналтад эмчлүүлж байна. Хэргийг үйлдсэн байж болох этгээд нь хөрш байсан талаарх эх сурвалжийн мэдээлэл байгаа юм.
|
Эх сурвалж
| ЦЕГ Хэвлэл мэдээллийн төв
|
Нийгэм
