Улаан бурхан өвчин нь амьсгалын замаар болон агаар дуслын замаар халддаг өвчин. Энэ нь далд үедээ 7-28 хоног байдаг. 

Улаанбурханы өвчин дэгдэлт хэлбэрээр бүртгэгдэж буй Вьетнам улсад аялсан өгүүлэмжтэй улаанбурхан өвчний 3 дахь тохиолдол лабораториор батлагдсан. 

Уг тохиолдол нь 2025 оны 02 дугаар сарын 08-ны өдөр шөнийн 1 цагт Вьетнамын Хо Ши Мин-Улаанбаатар чиглэлийн МИАТ-ийн OM712 онгоцоор ирсэн иргэн байна.

Халдварын голомт:

2-р сарын 8: Вьетнам, Тайланд, Малайзаар аялсан 11 настай охиноос илэрч, ХӨСҮТ-д хэвтэн эмчлүүлж байна.

2-р сарын 12: Вьетнамаас ирсэн 38 настай хүнээс илэрсэн.

2-р сарын 16: Вьетнамаас ирсэн 5 настай хүүхэд оношлогдож, эмнэлэгт хэвтсэн. Түүнтэй онгоцонд 230 хүн хамт явсан тухай ХӨСҮТ-ээс мэдээлсэн. 

Сар шинийн баяр ойртсон энэ үед улаан бурхан өвчнөөс урьдчилан сэргийлэх зорилгоор амны хаалтыг тогтмол зүүж хэвшихийг ЭМЯ-ны Нийгмийн эрүүл мэндийн газрын дарга Л.Баттөр санууллаа. 

Вакцинжуулалтад хамрагдаарай!

-9 сартай, 2 настай хүүхдүүдийг вакцинд үнэгүй хамруулж байна.

-Насанд хүрэгчид ХӨСҮТ болон өрхийн эмнэлэгт дархлаажуулалт хийлгэх боломжтой.

-Цагаан сарын баярын үеэр халдварын тархалт нэмэгдэх эрсдэлтэй тул маск зүүх, гараа ариутгах, өвчний шинж тэмдэг илэрвэл эмнэлэгт хандах шаардлагатай.