Б.УУГАНБАЯР
Орон нутгаас өвчтөн тээвэрлэж явсан эмнэлгийн машин том оврын автобустай мөргөлдөж эмч, жолооч, өвчтөн нарын 6 хүний амь эрсдэж 2 хүүхэд хүнд гэмтсэн ноцтой осол энэ сарн 11-нд гарсан.
Ослын газарт "АТҮТ" ТӨҮГ-ын зорчигч тээвэр, хяналтын хэлтсийн дарга нар ажиллаж автобусны хар хайрцгийг цагдаагийн албанд хүлээлгэн өгсөн бөгөөд урьдчилсан байдлаар хотоос 170 дахь км дээр, осол болсон тухайн зам 500 м орчим хэсэг мөстсөн байсан гэсэн мэдээлэл өглөө. Мөн Түргэн тусламжийн машинтай мөргөлдсөн автобус 64км/ц хурдтай явж байсан гэж дүгнэжээ.
Тодруулбал, Хот хоорондын тээвэрт явж буй автобусыг GPS төхөөрөмжөөр тогтмол хянадаг. Тухайн бүртгэл мэдээлэлд автобус хурд хэтрүүлээгүй 64 км/ц хурдтай явж байсан гэсэн дүгнэлтийг өгсөн байна.
Хот хоорондын автобусаар зорчиж явсан иргэдийн тухайн хүндээр бэртсэн тохиолдол байхгүй гэв.
|
Нийгэм
