АДМИН
Хөгжимчин ахлах ахлагч Э.Даваажамц “Хэт холын марафон гүйлтийн таван цэг” баг бүрдүүлэн Эх орныхоо 4 зүгт байрлах хилийн соёмбот баганыг Монгол Улсын төв цэгтэй холбосон 5000 километрийн хэт холын зайн гүйлтийг эхлүүлэх гэж байна.
Эх оронч Монгол- Их сэргэлтийн жилийн хүрээнд Батлан хамгаалах салбар, Зэвсэгт хүчний үйл ажиллагааг олон нийт, хүүхэд залуус иргэдэд сурталчлах цэрэг, эх оронч хүмүүжлийг төлөвшүүлэх, иргэн-цэргийн харилцааг бэхжүүлэх, цэргийн албаны нэр хүндийг өндөрт өргөх зорилгоор энэхүү гүйлтийг эхлүүлж буйгаа ЗХЖШ-ын Үлгэр жишээ үлээвэр найрал хөгжмийн хамт олондоо танилцуулж, өөрийн ажлын гараагаа тус ангиас эхлүүлж байсан тухайгаа дурсан тус анги хамт олноороо бахархаж явдгаа илэрхийлсэн юм.
Aнгийн удирдлага, ахлагчийн зөвлөлөөс aхлах ахлагч Э.Даваажамцад амжилт хүсэж, дурсгалын зүйл гардууллаа.
Дэслэгч Ж.ЦЭРЭНХҮҮ
|
Нийгэм
