Боловсролын яамны хүсэлтээр Хууль зүй, дотоод хэргийн яамнаас 25 ширхэг старлинк төхөөрөмж өнөөдөр /2025.03.21/ шилжүүлэн өглөө.

Манай улсад төрийн өмчит 704 сургууль байдгаас 57 нь өндөр өртөгтэй радио релен, 4G, VSATсүлжээгээр интернэт холболтын үйлчилгээ авдаг. Энэ нь өндөр хурдны интернэтийн хэрэгцээг хангадаггүй учир уг төхөөрөмж нь нэн шаардлагатай байсан. Нэг хүлээн авагч төхөөрөмж(router)-д гар утас, таблет, нөүтбүүк зэрэг 128 хүртэлх төхөөрөмж зэрэг холбогдох боломжтой уг төхөөрөмжийг алслагдсан багийн сургуулиудад хуваарилна. 

Мөн “G mobile компани” нийгмийн хариуцлагынхаа хүрээнд 10 старлинк хандивласан байна. Ингэснээр нийт 35 багийн сургуулийн хүүхдүүдийн интернэтийн хүртээмж сайжирч, “Мэдлэ”, “Eduten”, “Pearson” зэрэг цахим хичээлүүдийг үзэхэд дөхөм болох юм. АНУ-ын сансар судлалын “SpaceX”-ын охин компани болох хиймэл дагуулын интернэт үйлчилгээ үзүүлэгч “Starlink” компанийн сүлжээ Монгол Улсад албан ёсоор нэвтэрсэн нь шилэн кабельд холбогдоогүй алслагдсан орон нутгийн багт болон утасны сүлжээгүй байсан ч Монгол Улсын аль ч цэгээс өндөр хурдны интернэтийн үйлчилгээ авах боломж нээгдсэн.