Баян-Өлгий аймгийн Өлгий сумын Бүркит багийн “Назар шоп” 40 айлын орон сууцны 3 дугаар давхрын иргэн Э-ын байрны тагтан дээр хөргөгч, угаалгын машин шатаж байна гэсэн дуудлагыг 8 сарын 25-ны өдрийн 15:20 цагт аймгийн Онцгой байдлын газар хүлээн авч Гал түймэр унтраах, аврах 31 дүгээр ангийн алба хаагчид 1 км замыг туулан 15:23 цагт очиж, 27 минут ажиллаж унтраажээ. Утаажилтын бүсээс тус орон сууцны 8 хүүхэд, 5 өндөр настныг аюулгүй газарт гаргасан байна.
