Орон нутгийн сонгуулийн санал хураалт Пүрэв гарагт орон даяар болно. Өмнөх өдрийн 00.00 цагаас сурталчилгааг нь албан ёсоор зогсоох хуультай. Тэр болтол буюу өнөөдөр, маргааш УИХ хуралдахгүй нь ээ. Учир нь УИХ-ын гишүүд орон нутагт томилолтоор ажиллаж, сонгогдсон тойрогтоо сурталчилгаа хийхээр дарга, цэрэг гэлтгүй мордсон байна. Баруун аймгуудад ажиллаад ирсэн УИХ-ын дарга Г.Занданшатар нийслэлийн бүх дүүрэгт иргэд,сонгогчидтой уулзаж ухуулга хийж ажиллаж байна. Ерөнхий сайд У.Хүрэлсүх гэхэд л зүүн аймгуудад ажиллаж байна.
