"Би охинтой боллоо" "Аз жаргалаа авч явна" гэсэн бичигтэй улбар, ягаан шаараар чимэглэсэн их хотод хайр түгээн яваа мөнгөлөг машины эзэнтэй бид холбогдсон юм.
2020.10.11 өдөр буюу Дэлхийн охидын өдөр "Ээж охин хоёр" эмнэлэгээс гарчээ.
Аав болсондоо хөл нь газар хүрэхгүй яваа залууг Б.Цахиур-Төмөр гэдэг бөгөөд бяцхан охин нь "Эх нялхсын эрдэм шинжилгээний төв"-д 2020.10.10-ны өдөр шөнийн 01:50 минутад мэндэлжээ. Охиноо угтаж авахад нь туслаж найз нь үгнүүдийг нь хэвлэж өгч өөрөө ийнхүү чимэглэжээ.
Нийгэмд эерэг хандлага, сайн сайхны үлгэр дууриал болсон Б.Цахиур-Төмөр, Б.Золжаргал тэдний бяцхан охинд эрүүл энх, сайн сайхан бүхнийг хүсэн ерөөе.
"Зөгий.мн Гоё бүхнийг онцолно"
