Олон Улсын Паралимпын хорооны мэдээлэл, сурталчилгааны албанаас өнөөдөр "Бээжин 2022" Паралимпын наадамд оролцож байгаа Монгол Улсын багийн тамирчдыг онцолж ярилцлага авлаа. Маргааш буюу 3-р сарын 7-нд манай тамирчдын тэмцээн эхэлнэ. Даваа гарагт гүйлтийн цанын тамирчин ОУХМ Б.Ганболд Ц.Дашдорж нар эхний зай болох 20 км зайд сонгомол техникээр уралдана. Батмөнхийн Ганболд /LW 6/ 10:04:30 цагаас, Цэгмидийн Дашдорж /LW 8/ 10:05:00 цагт гараанд гарна. Энэ зайд 17 тамирчин хурд сорино.
