Явган хүний замын стандарт шаардлагад нийцэхгүй тохижилт хийгдэж байгаа тухай иргэд цахим орчинд шүүмжилсэн. Тухайн асуудалтай холбогдуулан Баянзүрх дүүргийн засаг даргын тамгын газраас мэдээлэл өглөө.
"Баянзүрх дүүргийн 16-р хороо 53-р сургуулийн зүүн талд хийгдэж буй явган зам, авто зогсоол, ногоон байгууламжийн тохижилтын ажлын авто зогсоолын зургийг иргэд явган замын тохижилт гэж ташаа ойлгожээ. Иймээс та бүхэнд тус хэсэгт хийгдэж буй тохижилтын ажлын зургийг газар дээрээс нь хүргэе.
Авто зогсоолд хийгдсэн хавтан нь энгийн хавтанг бодвол дулааны улирал халалт бага, завсраар нь агаар нэвтрэх боломжтой. Ингэснээр тоосжилт багасах давуу талтай. Мөн өвлийн улирал бусад хавтанг бодвол халтиргаа гулгаа багатай байдаг байна" гэлээ.
