Архангай аймагт шинээр байгуулагдсан барилга, инженер, экологийн 342-р ангид офицер, ахлагчийн албан тушаалд туршилтын хугацаанд томилогдон ажиллаж буй бүрэлдэхүүний “Цэргийн тангараг” өргөх ёслолын ажиллагаа өнөөдөр ҮБХИС-д болж өндөрлөлөө.
Тус үйл ажиллагаанд ҮБХИС-ийн захирал, профессор, Бригадын генерал П.Жаргалан хэлсэн үгэндээ: Монгол улсыг хөгжлийн замд хөтлөх Тавантолгой-Зүүнбаян, Зүүнбаян-Ханги чиглэлийн төмөр зам, Улаанбаатар-Дархан чиглэлийн авто зам зэрэг улс орны стратегийн томоохон бүтээн байгуулалтад амжилттай оролцож буй дайчдын нэг болж өнөөдөр цэргийн тангараг өргөж буй та бүхэнд баяр хүргэе.
Цэргийн амьдрал хүнд хүчир, тэсвэр тэвчээр шалгадагч олон аавын хөвгүүдтэй мөр зэрэгцэн зовлон жаргалаа хуваалцан аз жаргалтайгаар хүнд замыг туулдаг болохоор цэргийн амьдрал хамгийн сайхан нь байдаг хэмээн амжилт хүссэн юм.
