Ховд аймгийн Ховд хотноо зохиогдож байгаа "2023 оны шатрын насанд хүрэгчдийн улсын аварга шалгаруулах эрэгтэйчүүдийн 61 дэх удаагийн шигшээ тэмцээн"-ий аваргаар 16 настай дэлхийн шатрын холбооны мастер Мөнхдалайн Амилал тодорчээ.
"Зууны шатар" клубийн тамирчин FM М.Амилал нэг ч хожигдолгүй 11 өргөөс 8.5 хожил авч аваргын болзлыг хангалаа.
16 нас 8 сартайдаа Монгол улсын аварга цол хүртсэн дэлхийн шатрын холбооны мастер М.Амилал Монголын шатрын түүхэн дэх хамгийн залуу улсын аварга цолтон боллоо.
