Олон Улсын Хүүхдийн Эрхийг Хамгаалах өдрийг тохиолдуулан Чингис хаан Үндэсний музей, "Эгшин Артгэр" хүүхдийн уран зураг, гар урлалын урлан, ZDM хэвлэлийн үйлдвэрээс хамтран зохион байгуулж буй 12 гарагийн нүүдэлчин хүүхдийн уран зургийн үзэсгэлэнг толилуулахад бэлэн болоод байна.
Үзэсгэлэнд 5-10 насны хүүхдүүдийн чин сэтгэл, мөрөөдөл, хөдөлмөр шингэсэн, гэгээлэг өнгө төрх, сонирхол татам зохиомж, дүрслэл бүхий монгол ахуй, уламжлалт өв соёл, ёс заншил, үндэсний онцлогийг харуулсан бүтээлүүд дэлгэгдэнэ.
Маргааш буюу зурагадугаар сарын 1-ний 13:00 цагаас Чингис хаан Үндэсний музейд болох үзэсгэлэнгийн нээлтэд Дэлхий хамтлаг урилгаар тоглох юм.
