МҮОХ-ны Ерөнхийлөгч Б.Баттүшиг “Парис-2024” олимпын наадмын Зохион байгуулах хорооны Үндэсний олимпын хороодтой харилцах албаны захирал Софи Лорэнттэй уулзаж, олимпын наадмын үеэр хэрэгжүүлэхээр төлөвлөж буй Mongolian House төслийн талаар мэдээлэл өгч, хамтран ажиллах боломжийн талаар санал солилцлоо.
“Токио-2020” олимпын наадмын үеэр хөгжөөн дэмжигчид, жуулчид хүрэлцэн очих боломжгүй нөхцөл байдал үүссэний улмаас МҮОХ-ноос тусгай QR код бүхий Токио хаус аппликейшн гарган сурталчилгаа хийсэн бол “Парис-2024” олимпын наадмын үеэр Монгол орны онцлог, өв уламжлал, соёл, спортыг сурталчилсан цогц арга хэмжээ зохион байгуулахаар ажиллаж байна.
