Улсын аварга шалгаруулах +50 насны шайбтай хоккейн аварга шалгаруулах тэмцээн Дархан хотын хоккейн "Найрамдал" мөсөн талбайд өчигдөр нээлтээ хийсэн. Нээлтийн арга хэмжээнд Дархан сумын ЗДТГ-ын дарга Б.Батзул, Дархан-Уул аймгийн хоккейн холбооны Нарийн бичгийн дарга Х.Батбаяр болон баг, тамирчид оролцсон юм.
Энэ удаагийн тэмцээнд нийт зургаан багийн 100 гаруй тамирчид авхаалж самбаа, хурд хүчээ сорин өрсөлдөж аваргуудаа өнөөдөр тодруулах юм.
