Онцгой байдлын ерөнхий газраас ОХУ-ын Онцгой байдлын яамны Байгалийн Эрэн хайх, аврах отрядтай хамтран зохион байгуулж байгаа мэргэжлийн аврагч-усчин, шумбагчдыг бэлтгэх дадлага сургууль дөрөв дэх өдрөө Хөвсгөл нуурт үргэлжилж байна.
Энэ хүрээнд нисдэг тэргээр уснаас эрэн хайх, аврах дадлага сургуулийг өнөөдөр зохион байгууллаа. Аврагчид хамтран гүний шумбалт хийж, харилцан туршлага солилцож байна.
