МХБХ-ны Футзалын ордонд U10 насны ангиллын шигшээ багуудын тоглолтууд өнөөдөр болж, дасгалжуулагч Ч.Төрболдоор удирдуулсан “Дэрэн” клубийн хөвгүүд аваргаар тодорч, алтан медалийн эзэд боллоо. Харин мөнгөн медалиар А.Улсболд дасгалжуулагчтай “Хоромхон” клубийн хөвгүүд энгэрээ мялаасан бол хүрэл медалийг Э.Шинэбаяр дасгалжуулагчтай “Хараацай” клубийн хөвгүүд тус, тус хүртлээ. Ийнхүү Монголын Хөлбөмбөгийн Холбооны Грассрүүтс УАШТ-ий гурвалсан ангилал болох U12, U11, U10 тэмцээний 10 хүртэлх насны тэмцээнүүд шинэ оны өмнөхөн хөшгөө хааж байна. Бусад насны ангиллын тэмцээнүүд шинэ оны дараа буюу 2025 оны нэгдүгээр сарын 3-наас эхэлнэ.
