Б.УУГАНБАЯР
Энэ оны нэгдүгээр сарын 16-17-нийг шилжих шөнийн 05:30 цагийн орчим Хан-Уул дүүрэг Их Монголын замд “Toyota Premio” маркийн автомашин, “Mercedes” Benz маркийн автомашинтай мөргөлдөж,"Toyota Premio” маркийн автомашин жолооч 45 настай, эрэгтэй, А нас барсан ноцтой осол гарсан.
Осол гаргасан “Mercedes Benz” маркийн автомашиныг жолоодож явсан А гэгч нь залуу жүжигчин Г.Ананд байсан тухай мэдээлэгдэж эхэллээ. Тэрбээр осол хийх үедээ согтууруулах ундааны зүйл хэрэглэсэн байсан гэх мэдээлэл байна. Г.Анандын хувьд “Single ladies-3” кинонд тоглосноор жүжигчний карьер нь эхэлж, олны танил болсон нэгэн билээ.
Харин мөргүүлсэн Toyota Premio маркийн автомашины жолооч газар дээрээ амиа алдсан ба талийгаачийг өнөөдөр хөдөөлүүлжээ. Хэргийг Тээврийн цагдаагийн албаны Мөрдөн шалгах хэлтэс шалгаж байна.
|
Урлаг соёл
