Б.УУГАНБАЯР
Байгаль орчин, аялал жуулчлалын сайд Б.Бат-Эрдэнэ БНСУ-ын иргэн Юү Түнийг аялал жуулчлалын элчээр өргөмжилсөн тухай мэдээлэл цахим орчинд нийтлэгдсэн. Жүжигчин Юү Түнтэй холбоотой таагүй мэдээллүүд иргэдийн шүүмжлэлийг дагуулаад байна.
Тухайн асуудлаар Байгаль орчин, аялал жуулчлалын яамны сайд Б.Бат-Эрдэнэ өөрийн цахим хуудастаа:
"Хэт дэвэргэсэн мэдээллүүд явж байгаа тул мэдээлэл хүргэе.
БНСУ-ын иргэн Юү Түн-ийг Солонгосоос Монголд аялсан анхны аялагч жүжигчин бөгөөд судалгаагаар Солонгосчууд нэвтрүүлгийг нь үзээд Монгол Улсад аялж үзсэн гэсэн үндэслэлээр өргөмжлөл олгосон.
Мөн өргөмжлөл олгосны дараа Монгол эмэгтэйчүүдтэй олон удаа гэр бүл болж байсан мэдээллүүд ирсэн бөгөөд 2022.06.21-ний өдөр буюу томилсоноос 4 хоногийн дараа Өргөмжлөлийг цуцалсан болно. Сайдын зүгээс томилсон тушаал гаргаагүй бөгөөд зөвхөн өргөмжлөл олгох үйл ажиллагааг хийсэн болохыг мэдэгдэе" хэмээн нийтэлжээ.
|
Урлаг соёл
