Б.БИЛЭГСАЙХАН
Британийн жүжигчин Жек Бартон шинэ Жеймс Бонд буюу агент 007-ийн дүрийг бүтээх гол нэр дэвшигчдийн нэгээр тодорчээ. Page Six-ийн мэдээлснээр, найруулагч Дени Вильнёв болон кастингийн захирал Нина Голд Их Британи даяар олон жүжигчнийг судалсны эцэст Бартоныг онцолж байгаа аж.
31 настай Жек Бартон “Poor Things”, “SAS: Rogue Heroes”, “Heartstopper” зэрэг бүтээлд тоглож байсан ч Холливудын томоохон оддын хэмжээнд хараахан танигдаагүй жүжигчин юм. Гэсэн ч түүнийг шинэ Бондын дүрд тохирох “шинэ төрх” гэж үзэж байгаа талаар эх сурвалжууд мэдээлжээ.
Шинэ “Bond 26” киног “Dune”-ийн найруулагч Дени Вильнёв найруулж, зохиолыг “Peaky Blinders”-ийн зохиолч Стивен Найт бичиж байна. Жек Бартонтой зэрэгцэн Жек Лоуден, Каллум Тёрнер, Жейкоб Элорди, Пол Мескал, Харрис Дикинсон нарын нэр ч яригдаж байгаа бөгөөд дэлгэцийн шалгаруулалт есдүгээр сард үргэлжлэх төлөвтэй байна.
|
Урлаг соёл
