Б.БИЛЭГСАЙХАН
The Pokémon Company “Pokemon: Wild Card” нэртэй шинэ бүрэн хэмжээний анимэйшн киногоо зарлажээ. Уг бүтээл 2027 онд кинотеатруудаар гарах бөгөөд Pokémon-ы тухай сүүлийн долоон жилийн анхны шинэ бүрэн хэмжээний кино болох юм.
Киноны гол дүр нь Pokémon Trading Card Game-ийн тэмцээнүүдэд оролцож, аварга болохыг зорьж буй тоглогч байх бөгөөд түүнтэй хамт Mimikyu покемон ч гарах аж.
The Pokémon Company-ийн ерөнхийлөгч Цүнэказү Ишихарагийн хэлснээр, кино дэлхийн өнцөг булан бүрийн тоглогч, дасгалжуулагчдыг нэгтгэдэг өрсөлдөөний уур амьсгалыг харуулах юм. Киноны анхны тизерийг Pokémon-ы дэлхийн аварга шалгаруулах тэмцээний хаалтын үеэр танилцуулжээ.
“Pokemon: Wild Card”-ын найруулагчаар “Attack on Titan” зэрэг бүтээл дээр ажиллаж байсан Кацүхико Китада ажиллах бол дүрийн дизайныг “Fruits Basket”, “Banana Fish”-ээр танигдсан Акэми Хаяши хариуцах юм.
Харин продюсерээр “Suzume”, “Weathering with You” зэрэг бүтээлтэй холбоотой Story Inc., анимэйшний ажлыг “The Promised Neverland”, “Spy x Family”-г бүтээсэн CloverWorks студи гүйцэтгэнэ.
|
Урлаг соёл
