Б.БИЛЭГСАЙХАН
Шотландын DJ Кэлвин Харрис Бразилийн Сан-Паулу хотод ойролцоогоор 1.6 сая хүний өмнө тоглож, Гиннесийн амжилтын номд бичигджээ.
BBC-ийн мэдээлснээр, энэ нь ганцаарчилсан DJ тоглолтын хамгийн олон үзэгчтэй гэсэн шинэ дээд амжилт юм. Харрис 2026 оны хоёрдугаар сард Сан-Паулугийн карнавалын үеэр тайзан дээр гарсан байна.
“Ийм зүйл зөвхөн Бразилд л тохиолдож чадна” гэж тэрбээр тоглолтынхоо талаар хэлжээ.
Кэлвин Харрис өмнө нь ч Гиннесийн рекорд тогтоож байсан. Тэрбээр 2014 онд нэг цомгийн есөн дуугаа Их Британийн хит чартад эхний 10-т багтаасан амжилтаар рекорд тогтоож, дараа нь тухайн жилийн хамгийн өндөр орлоготой DJ-ээр бүртгэгдэж байжээ.
|
Эх сурвалж
| BBC
|
Урлаг соёл
