АДМИН
ОХУ-ын Чита хотод Олон улсын хүүхдийн спортын XII наадам тав дахь өдрөө болж байна.
Өнөөдөр шатрын багийн тэмцээнд Монгол улсаас нэг, ОХУ-ын Чита хотоос хоёр, ОХУ-ын Буриад улсаас нэг баг өрсөлдөхөд Монгол улсаас Таван хан” клубийн дасгалжуулагч, Олон улсын дасгалжуулагч, спортын мастер Ө.Бат-Очирын удирдлага дор оролцсон Б.Сэргэлэн, Б.Цолмон, Д.Цэлмүүн нар мөнгөн медаль хүртлээ. Тэд 5 хожил, 1 хожигдолтойгоор дэд байрт орсон байна. Мөн Б.Цолмон ширээндээ алт, Б.Сэргэлэн, Д.Цэлмүүн нар мөнгөн медаль хүртжээ.
Багийн гишүүн Б.Сэргэлэн нь Азийн АШТ-ий хүрэл медальтай, дэд мастер цолтой бол Б.Цолмон нь Олон улсын дэд мастер, Ази тивийн аварга, УАШТ-ий алт, мөнгө, хүрэл медальтай, Д.Цэлмүүн дэлхийн аварга, Азийн аварга, Зүүн Азийн аварга, Олон улсын эмэгтэйчүүдийг дэд мастер цолтой тамирчин юм.
Тэднийг дасгалжуулсан Ө.Бат-Очир шатрын спортод 20 жил дасгалжуулагчаар ажилласан ба түүний шавь нараас ДАШТ-ээс нэг алт, Азийн АШТ-ээс 90 орчим медаль хүртжээ.
|
Спорт
