Г.ГАНЦЭЦЭГ
ОХУ-ын Чита хотноо зохион байгуулагдсан Олон улсын хүүхдийн спортын XII наадамд Монгол Улсын өсвөрийн боксчид амжилттай оролцож, 1 алт, 3 мөнгө, 2 хүрэл, нийт 6 медаль хүртэв. Тэмцээнд манай баг тамирчдыг дасгалжуулагч багш Э.Гаваа удирдан оролцуулсан бөгөөд шүүгчээр Д.Лхагвадорж ажилласан байна.
Охидын ангилалд Спортын дунд сургуулийн тамирчин А.Мөнгөнзул 50 кг-ын жинд алтан медаль хүртэж, Олон улсын хүүхдийн наадмын аварга боллоо. Мөн 48 кг-ын жинд Хангарьд спорт хорооны С.Мөнхжаргал, 52 кг-ын жинд Спортын дунд сургуулийн М.Ариунцэцэг нар тус тус мөнгөн медаль хүртсэн бол 70 кг-ын жинд Говьсүмбэр аймгийн тамирчин Э.Үүрцайх хүрэл медалийн болзол хангасан байна.
Хөвгүүдийн ангилалд Алдар спорт хорооны тамирчин Ө.Сүлд 50 кг-ын жинд өрсөлдөж мөнгөн медаль, Лхагва бокс клубийн М.Цэлмэг 60 кг-ын жинд хүрэл медаль хүртэж, баг тамирчдынхаа амжилтыг буухиаллаа.
|
Спорт
