ТАТАР МАЙДАР
"Астана-2026” чөлөөт бөхийн дэлхийн аварга шалгаруулах тэмцээний эмэгтэйчүүдийн 59 кг-ын жинд ОУХМ Хүрэлхүүгийн Болортуяа амжилттай барилдаж байна. Тэрбээр тэмцээний эхний тойрогт гоц мөргөж, дараагийн шатандаа Испанийн бөх Лидиа Тоуриньог үзүүштэй барилдаанаар 3:0-ийн харьцаатайгаар буулган авснаар шигшээ наймд шалгарч үлдлээ. Манай тамирчин дараагийн тойрогт Энэтхэг болон Канадын бөхчүүдийн ялсантай нь хагас шигшээд үлдэхийн төлөө хүч үзэх хуваарьтай байна.
Харин эмэгтэйчүүдийн 55 кг-ын жинд хүч сорьсон ОУХМ Цогт-Очирын Намуунцэцэг эхний тойрогтоо дэлхийн аварга, Хойд Солонгосын хүчирхэг бөх Ох Кён-Рёнтой таарч харамсалтайгаар ялагдал хүлээлээ. Хэрэв Хойд Солонгосын тамирчин цаашдаа илүүрхсээр тэмцээний шигшээ барилдаанд шалгарч чадвал, Ц.Намуунцэцэг дагах барилдаан хийж, хүрэл медалийн төлөө дахин зүтгэх боломж нээгдэх юм.
|
Спорт
