И.АМАРБАЯСГАЛАН
АНУ-ын нэрт рэппер, хөгжмийн продюсер Шон "Дидди" Комбсын эсрэг хүнд ноцтой хэргүүдээр шүүх хурал тавдугаар сарын 5-нд Нью-Йорк хотод эхлэхээр товлогджээ. Түүнийг рэкет, хуйвалдаан, бэлгийн наймаа болон биеэ үнэлэлтийг зохион байгуулж, тээвэрлэсэн зэрэг хэргүүдэд буруутгаж байгаа бөгөөд хэрэв буруутай нь тогтоогдвол бүх насаараа хоригдох ял авах магадлалтай байна.
Комбсын нэр холбогдсон хуулийн асуудлууд 2023 оны сүүлчээр хуучин найз бүсгүй Касандра түүнийг хүчирхийлж, хүчиндсэн хэмээн шүүхэд нэхэмжлэл гаргаснаас эхлэлтэй. Үүнээс хойш бусад хэд хэдэн эмэгтэй ч мөн түүнээс бэлгийн хүчирхийлэл амссан хэмээн мэдүүлсэн байна.
Гэсэн ч Шон Комбс өөрт нь тулгагдаад буй бүх хэргийг үгүйсгэж, гэм буруугүй гэдгээ илэрхийлсээр байгаа юм.
|
Эх сурвалж
| BBC
|
Гадаад
