И.АМАРБАЯСГАЛАН
Ирак улсад шоронгийн ачаалал хэт ихэссэн тул үүнийг багасгах зорилгоор өргөн цар хүрээтэй өршөөлийн хуулийг хэрэгжүүлэн 19,000 гаруй хоригдлыг суллажээ.
Эдгээрийн дотор "Исламын улс" (ISIL/ISIS) бүлэглэлийн гишүүн байсан хэргээр ял авсан хүмүүс ч багтсан гэж тус улсын шүүхийн байгууллагаас мэдэгдлээ.
Тус бүлэглэл 2014 онд Иракийн нутаг дэвсгэрийн гуравны нэгийг хяналтдаа авч, Мосул, Тикрит, Фаллужа зэрэг томоохон хотуудыг эзлэн түрэмгийлж байсан ч 2017 онд ялагдал хүлээжээ.
Тэдний ноёрхлын жилүүдэд мянга мянган хүн амь үрэгдэж, хэдэн зуун мянган хүн орон гэрээ орхин дүрвэж, Язидичуудын хүн ам бараг устаж, өргөн уудам нутаг дэвсгэр сүйдсэн юм. Иракийн зэвсэгт хүчин ISIL-ийн хяналттай бүс нутгийг чөлөөлөх үед олон гишүүнийг нь баривчилсан байдаг.
|
Эх сурвалж
| ALJAZEERA
|
Гадаад
