Б.УУГАНБАЯР
Ираны парламентын гишүүн АНУ-ын ерөнхийлөгч Дональд Трампын амийг хөнөөсөн хүнд $3 саяын шагнал олгохоо амласан тухай тус улсын ISNA агентлаг мэдээлжээ.
Төдийлөн олны танил биш хууль тогтоогч Ахмад Хамзех уг шагналыг талийгаач генерал Кассем Солейманигийн төрөлх хот Керманы оршин суугчдын өмнөөс амлаж байгаагаа мэдэгдсэн байна. Зарим хүмүүс түүнийг ирэх сард болох парламентын сонгуулийг угтан ийм зүйл ярьж байна гэж дүгнэжээ.
Ираны хамгийн нөлөө бүхий хүмүүсийн нэг генерал Солеймани нэгдүгээр сарын 3-ны өдөр Иракийн нийслэл Багдадын нисэх буудлын ойролцоо АНУ-ын дроны халдлагад өртөж амиа алдсан юм.
|
Гадаад
