И.АМАРБАЯСГАЛАН
Их Британийн цагдаа нар Даваа гарагийн орой Ливерпүүл хотод болсон Премьер лигийн цомын баярын үеэр нэгэн автомашин олон нийтийн дунд орж, олон хүнийг гэмтээсэн хэрэгт холбогдуулан нэг эрэгтэйг баривчилжээ. Ослын улмаас нийт 27 хүн эмнэлэгт хүргэгдсэн бөгөөд хохирогсдын дунд дөрвөн хүүхэд байсан байна.
“North West Ambulance Service NHS Trust”-ийн үйлчилгээний дарга Дэвид Китчиний мэдээлснээр, гэмтэж эмнэлэгт хүргэгдсэн хүмүүсийн дундаас нэг хүүхэд, нэг насанд хүрсэн хүн хоёр нь хүнд гэмтэл авсан байна.
Цагдаагийн газрын мэдээлснээр, баривчлагдсан жолооч нь Ливерпүүлийн бүсээс гаралтай, 53 настай, цагаан арьст Британийн иргэн аж. Мөн тэд олон нийтийг хэргийн талаар таамаг, цуурхал тараахгүй байхыг уриалжээ.
Энэхүү харамсалтай явдал нь Ливерпүүл хөлбөмбөгийн баг Английн дээд лигийн 20 дахь түрүүгээ тэмдэглэж, хот даяар баярын жагсаал зохион байгуулагдаж байсан үеэр тохиосон юм.
|
Эх сурвалж
| CNN
|
Гадаад
