Доналд Трамп өөрийн засаг захиргаа Харвардын их сургуультай үргэлжилж буй маргааны хүрээнд тус сургуулиас 1 тэрбум ам.доллар нэхэмжлэхээр болсноо зарлалаа.

Трамп “Truth Social”-д нийтэлсэн бичвэртээ Харварын их сургуулийг New York Times-д “худал мэдээлэл өгсөн” гэж буруутгав.

Өнгөрсөн оны 4-р сард Трамп Харвардад олгогдож байсан ойролцоогоор 2 тэрбум ам.долларын судалгааны тэтгэлгийг цуцалж, холбооны санхүүжилтийг царцаасан.

Үүний хариуд Харвард засгийн газрыг шүүхэд өгч “ямар ч засгийн газар хувийн их сургууль юу заах, хэнийг элсүүлэх, хэнийг ажилд авах, ямар чиглэлээр судалгаа хийхийг заах ёсгүй” гэж мэдэгджээ.

АНУ-ын холбооны шүүх санхүүжилтийг цуцалсан шийдвэрийг хүчингүй болгож, засгийн газар их сургуулийн үг хэлэх эрхийг зөрчсөн гэж дүгнэсэн байна.

Цагаан ордноос уг “буруу шийдвэр”-ийг нэн даруй эсэргүүцэн давж заалдана гэж мэдэгдэж, Харвард цаашид тэтгэлэг авах эрхгүй хэвээр үлдэнэ гэж хэлжээ. Трамп “Бид одоо 1 тэрбум ам.долларын хохирол нэхэмжилж байна, цаашид Харвардын их сургуультай ямар ч хэлбэрээр харилцахыг хүсэхгүй байгаа” гэж мэдэгдсэн юм. Тэрээр Харвардыг “хууль бус үйлдлүүд” хийсэн гэж буруутгасан ч яг ямар хуулийг зөрчсөн талаар тодорхой тайлбарлаагүй байна.