Т.УНДРАХБАЯР
Швейцарийн Альпийн нуруунд орших Энгельберг цанын баазад цанын лифт унаж, нэг эмэгтэй нас барсан гэж орон нутгийн албаныхан мэдэгдлээ.
Швейцарийн төв хэсэгт орших Нидвалден кантоны цагдаа нар лифт Лхагва гарагийн 11:00 цагийн орчимд тодорхойгүй шалтгаанаар кабелиас салсан гэж мэдэгдэв. Осол болох үед уулын энгэрт хүчтэй салхи үлээж байсан гэж гэрчүүд Швейцарийн хэвлэл мэдээллийн хэрэгслээр мэдээлэв. Хохирогч тус бүс нутгийн 61 настай эмэгтэй байсан байна. Ослын шалтгааныг одоогоор шалгаж байгаа аж.
Нидвалден кантоны цагдаагийн газраас мэдээлснээр, эмэгтэй Титлис Экспресс цанын лифт тросноос салж байх үед дотор нь ганцаараа байсан байна. Цагдаагийн мэдээлснээр, аврах ажиллагаанд агаарын аврах алба, түргэн тусламжийн машин болон цагдаагийн албан хаагчид оролцсон байна.
Нэгэн цаначин маш хүчтэй салхилж лифтнүүд найгаж байсан гэж хэлсэн бөгөөд цагдаа нар 80 км/цагаас дээш хурдтай салхитай байсан гэж мэдэгджээ. Салхи 60 км/цагаас дээш гарахад лифтний үйлчилгээг ихэвчлэн зогсоодог байна.
Кабелийн тэрэгний үйлчилгээг түр зогсоосон бөгөөд 40 орчим лифтнээс 100-200 зорчигчийг аюулгүй газар авчирсан байна.
|
Эх сурвалж
| BBC
|
Гадаад
