Б.БИЛЭГСАЙХАН
Биткоины ханш 6 сард 13 хувиар унаж, АНУ-ын спот ETF-үүдээс 13 өдөр дараалан 4.37 тэрбум ам.доллар гадагшилсан нь түүхэн дэх хамгийн урт сөрөг дараалал боллоо. Ханшийн уналтаас шалтгаалан 594 сая ам.долларын урт байрлал хүчээр хаагдаж, борлуулалтын дарамтыг улам нэмэгдүүлээд байна.
Энэхүү богино хугацааны уналтад макро эдийн засгийн эрсдэлүүдээс гадна хөрөнгө оруулагчид криптогоос илүү хиймэл оюун ухаан (AI) болон чипийн хувьцаа руу хөрөнгөө шилжүүлж байгаа нь голлон нөлөөлөв. ETF-ийн энэхүү урсгал нь биткоины ханшийн хэлбэлзлийн 45 хувийг тодорхойлох гол дохио болж байна.
Үүний зэрэгцээ том тоглогч болох “Strategy” компани ногдол ашиг санхүүжүүлэхийн тулд 32 BTC-ийг 2.5 сая ам.доллараар зарсан нь зах зээлд бэлгэдлийн чанартай нөлөөлөв. Майкл Сэйлор цаашид зарснаасаа илүүг авна гэсэн байр сууриа хадгалж байгаа бөгөөд зах зээл ирэх даваа гарагт тус компанийн дараагийн үйлдлийг онцгойлон ажиглаж байна.
|
Гадаад
