Б.БИЛЭГСАЙХАН
Энэ оны хоёр дахь бөгөөд сүүлийн нарны хиртэлт наймдугаар сарын 12-нд тохиох бөгөөд энэ нь нарны бүтэн хиртэлт байх талаар Шамахын астрофизикийн ажиглалтын төв мэдээллээ.
Нарны бүтэн хиртэлтийн бүс Исланд, Испани, Португалын баруун хойд хэсэг, Гринланд болон Атлантын далайн хойд хэсгээр дайран өнгөрөх юм. Харин нарны хэсэгчилсэн хиртэлт Европын ихэнх хэсэг, Хойд Америкийн зарим бүс, Номхон далайн хэсэг болон Африкийн баруун хойд нутгаас ажиглагдана.
Бакугийн цагаар хиртэлт 19:34 цагт эхэлж, 23:57 цагт дуусах бөгөөд хамгийн дээд үе нь 21:46 цагт тохионо. Нийтдээ ойролцоогоор таван цаг үргэлжлэх энэ үзэгдлийн үеэр нарны диск бүрэн халхлагдах хугацаа долоон минут орчим байх аж.
Мэргэжилтнүүдийн тайлбарласнаар, нарны хиртэлт нь Нар, Сар, Дэлхийн сансрын байрлал болон ажиглагчийн байршлаас хамаардаг. Сар Нар, Дэлхийн хооронд нэг шугамд орж, сүүдэр нь дэлхий дээр тусах үед нарны хиртэлт үүсдэг байна.
|
Гадаад
